The incident occurred at Saiton Hayaikon Maning Leikai, under Phougakchao PS in December last.
By Naoba
Houkhiba chahi December 19, 2021 da miyoi 5 huina chikpadagi tha asigi tang 14 gi ayuk ki pung 6:30 da miyoi ama leikhidabaga loinana atopa miyoi 4 adu cheksanningai oiba fibam da leiri hairi.
Leikhidraba miyoi adudi Bishnupur District ki manung chanba Phougakchao PS na konba Saiton Hayaikon Maning Leikai dagi Nongthombam Bishorjit Singh (41) ni. Atopa huina chiklaba miyoi 4 adudi Nongthombam Punshiba Singh (5), Nongthombam Mitson (5), Nongthombam Thoisana Devi (6) amadi Heinam Amarjit Singh(16) ni.
Houkhiba December gi tang 19 da huina makhoi 5 asi chikpa amadi khotpa gi thoudok leikhi. Bishorjit ti hidak amatta kaphoudre aduga atopa makhoi 4 adugi manung da mioi amakhak Anti Rabies vaccine kapkhi atei ahum na Titanus kapthokhi hairi.
Laibak thibadi Bishorjit asi masa nungairaktaba arum laihou amadi obanachingba tourakpadagi tha asigi tang 12 da RIMS hospital da pukhatlaktuna layengkhibani. Adubu doctorgi maikeidagi anaba asi last stage oire hairakpadagi laibak yenglasi haiduna maiba maibi tananabagidamak imung manungi miyoisingna nongallaga tang 13 da yumda putharakhibani. Adubu laibak thibadagi tang 14 gi ayuk pung 6 30 rom taba matamda leikhidabani.
Huina chiklaba Anti Rabies kaphoudraba mioi ahum adu Numit kharani leiraga vaccine kapke haina chatluba matamda pung 24 hellabanina kanabam leiraroi hairakpadagi Anti Rabies vaccine kaptana leiri. Maram asina makhoi 3 gi fibamsu yamna cheksanningai oi hairi.
Amaromda laibak thiba thoudok asi thoklakpadagi leikai aduda leiriba huising amadi miyoising cheksin thourang loukhatpa oina Saiton Philantropic Club ki maikeidagi mafam aduda emergency vaccination camp ama pangthokpiyu haina club asigi secretary A Nabachand Singh na tang 14 da Dog Protection Society, (DPS) Manipur da application ama tharakpadagi DPS, Manipur na cheksin thourang loukhattuna ngasi mass oina anti rabies vaccination camp ama club asiga khutsamnaraga pangthokhre.
Loinana hwjik cheksanningai oina leiriba miyoi 3 gisu kari cheksin thourang loukhatpa yabage haibadu mari leinaba medical department ga tanaduna loukhatlagani haina DPS, Manipur amadi Saiton Gram Panchayat ki pradhan Mayengbam Ibomcha anigi maikeidagi fongdorakli.
DPS Manipur na leikhidraba miyoi asigi imung manungi awabda saruk yabaga loinana asigumba laibak thiba thoudok kaya asi atopa mafamsingdasu makha tana thoktanaba cheksin thourang kaya loukhatpiyu amadi yumda yokpa sa ama oiriba hui houdongsibu Rabies haiba laina asina naraktanaba naraktringei mamangda anti rabies vaccine chang naina kappiyu haina appeal tourakli.
(Naoba is Secretary, Dog Protection Society, Manipur)