The Mirror of Manipur || Fast, Factual and Fearless.

KCP’s Military Affairs Committee extends greetings on 18th foundation day of Miyamgi Fingang Lanmigi

0

In its message, MAC said lessons from two key historical events of Manipur i.e. 1819-1826 Seven Years of Disaster and 1891 Anglo-Manipur War should be deliberated and studied to prepare for future course of action

TFM Desk

On the eve of the 18th foundation day of Miyamgi Fingang Lanmigi (MFL), the proscribed MFL/KCP’s Military Affairs Committee (MAC) on Friday issued a statement extending greetings to people, CSOs, intellectuals media persons health workers, students, artists, sportspersons and armed groups of Kangleipak and WESEA.

The outfit also offered tributes to 1891 Anglo-Manipur War heroes who had laid down their lives as the foundation day fell on 13 August coinciding with the Patriots Day.

In its message, MAC said lessons from two key historical events of Manipur i.e. 1819-1826 Seven Years of Disaster and 1891 Anglo-Manipur War should be deliberated and studied to prepare for future course of action.

The excerpt of the press statement which was issued in Manipuri languages is as follows.

1819-1826 ki Chahi 7 khuntakpa (Seven Years of disaster)

Proscribed outfit asina na haibagi matung innana, chahi 7 Khuntakpa thoklakkhibasi leibak miyam pumba sa-lan gi thabak kaothokpa makhei Hindu laining louhanduna thammoi petthahallammaga Bheigachandra Ningthou na sikhraba matungdani.

Mahak sikhraba matungda magi macha manaising lingjel mannarakkhide. Makhoi masen yamna muknarammi, imu-naimu taba makhei ningthou khubham munnarakkhi. Adugumba tanjaduda Marjit na Awa Ningthou gi mateng louduna mayambung Chourjit pu tanthoktuna 1813 da Ningthou oikhi, KCP’s Military Affairs Committee (MAC) na hairi.

Mikha ponba Ningthounina Awa Ningthou na haiba inde haiduna mahakki mathakta Awa na landarakkhi, matam kuina ningthou oiba phangkhide, Cachar da lan chenkhi haina MAC na thamlakli.

Oufitasina makha tana hai Marjit Ningthougi haktakta Chahi 7 Khuttaktuna leibak kang-khong chaikhi. Awa gi mihat khangba ngamdaduna Ningthou machasing amadi leibak miyam pumba mahei mahei mareibak thadoktuna thawai hingnaba lanjennakhi. Asumna leibak khunnaina khuntak-lansiduna leiringei maraktuda Hirachandra na Chingmi Ichil-inaosingga achetpa mari sagattuna Chingmisinggi matengna Awa lanmi tankhaiba hourakkhi. Awa na mareibak lousinkhraba matungdadi Ningthou machasingdu makhoi masen marakta muknaba toktuna mareibak kannaba punsinlakkhi. Ningthou Gambhir Singh na British ki matengga loinana ‘Manipur Levy’ lingkhattuna apunbagi panggalna yeknaba Awa bu Ningthi turel wangma lanna tanthokkhi amadi amuk hanna mareibakki ningtamba hanjinba ngamkhi. Masidagi Manipur ga British ka aphaba mari leinaraktuna 1835 dadi Imphal da British ki Political Agent gi Residency thamlakkhre,

Awa gi makhuttagi British ki matengga loinana Manipur gi ningtamba hanjinba ngamlabasu, Manipur gi yumlon-keironnaba lamsingdi mathang mathang British ki makhutta loina takhre. 1832 da British na Cachar District paisinkhre, 1842 dana Awangthangba Assam lousinkhre, 1852 dana Khathangba Awalousinkhre, 1866 dana Naga Hills lomda changsillakkhre, 1872 dana Lushai Hills lousinkhre, 1878-79 dana Kohima paisinkhre, aduga 1885 tana Awangthangba Awa lousinduna Awa leibak pumba lousinkhre. Asumna, British na Manipur gi akoibada leiba leibaksing machet machet lousinnaba hotnarakpada Manipur na makhoigi mateng pangduna lakkhi, outfit asina makha tana hairi.

1891 gi Anglo-Manipur War

Outfit ki statement gi matung innna, 1891 gi Anglo-Manipur War asi Manipur gi puwarigi khwaidagi maru woiba tangkak amani. 1886 ta Ningthou Chandrakriti na sikhrabada Machanupa Ahal Surchandra na Ningthou oire. Magi matamda mama tinnadaba Ningthou macha makhoi machin-manao masen yamna nungsinaramde. 1890 da Tikendrajit, Angousana amadi Jilasana makhoi ahumna Ningthou Surchandra gi mathakta konungda landarakkhi. Ningthou khubham munnabagi landa Ningthou Surchandra gi khutpu maithiraduna British Political Agent gida chensinkhrabada Kullachandra na ningthou oire laothorakkhi. Ningthou Surchandra na mahakti Ningthou oijararoi, Brindavan chatchakhrage haina magi manao ahum: Pakasana, Thambousana amadi Gopalsanaga loinana chatkhraga, onna-teinana Calcutta da chattuna British India gi Viceroy da Ningthou khubham hanjinhanbiyu haina wakatkhi. Leibak miyamdagidi Ningthou khubhamna henna luna khanduna Konunggi aron-athup kaya amadi lallong kaya British ta tamthokkhi. Matamdu, Manipur gi yumthangnaba leibak pumba British na hannana khudum chanduna leikhrabani, lemhouriba haibabu Manipur khakta ngairabani. British na achengba tanja yengduna leirakpaga mapa channaduna Manipur manunggi wathokta makhoina khut thingjinba hourakkhi.

KCP MAC na makha tana hai madudi British ki Viceroy Lord Lansdowne na Assam gi Chief Commissioner J.W. Quinton da Kullachandra bu Manipur gi ningthou oina sakkhanggani aduga Jubaraj Tikendrajit puna pharaga mapan leibakta thadokkhigani haiba Govt. of India gi yathang asi Manipur da chattuna khanghallunaba hairakkhi. 1891 gi March 22 da Mr. Quinton na Lt. Colonel C. Mc. D. Skene na luchingba lanmi 490 ga loinana Manipur da thunglakhi. Tikendrajit pu khutsinnanaba Ningthou Kullachandra da khanghankhi. Khutsinnarak-u yadrabada aronba khujil-thourang kaya sinjinnaduna namdana phananaba hotnakhi. Mai pakkhide.

Khujil-thourang pumnamak aremba tarabada 1891 gi March 24 gi pung 3.30 A.M. tabada British lanmina Konungda Tikendrajit phananaba landarakkhi. Tikendrajit pu phaba ngamkhide, maithikhi. British na nongmei kappa lepnarasi haina pao tharakpadagi, maikei anina yanaduna lepnakhi. British na ikhang khanghoudana Konungda landaraktuna nupi-angang yaona micham kaya hatkhiba amadi yum-kei kaya mei thadokkhibagi maralda 1) Assam gi Chief Commissioner, Mr. J. W. Quinton, 2) 42 suba Gurkha Regiment gi Commander, Lt. Colonel C. Mc. D. Skene, 3) Assam gi Chief Commissioner gi Assistant Secretary, W. H. Cossins, 4) Lt. Simpson amadi 5) Political Agent, Mr. St. Clair Grimwood, British ki phamnaiba makhoi angouba Sahib 5 bu sibagi cheirak pikhi. Kha-nongpok Asia gi maning tamba leibaksinggi manungda maning tamna palliba Manipur gi mathakta onkhattuna British na makhoigi phamnaiba 5 hatli amadi British Maharani gi maiyokta lan hou-i haina maral sirakkhi. Loinana British na maikei ahum, haibadi, Kohima, Silchar amasung Tammu romdagi Manipur da landasillakkhi. Asum touduna 1891 gi Anglo-Manipur war thokkhi. Maikei ahumda thengnakhiba lanphamda maru woina Tammu romdagi lakpa British lanmiga Manipur gi lanmisingga Khongjomda lan kanna thengnakhi. Khongjomgi lanphamna aroiba lanpham oikhi. Yaiskul Lakpa, Chinglensana, Paona Brajabasi, Waangkhei Meiraba asinachingbana lanphamda thawai thakhi, outfit asina hairi.

Mareibakki ningtambabu thawaidagisu henna luna khanjaba Manipur imagi asengba maparisingna maithigani khangna khangna mareibakki ningtamba ngakpada thawaina pontha pikhi. British ki makhutta Manipur maithire. 1891 gi April gi 27 ta British na Kangla da makhoigi Union Jack yekpa firal chingkhatkhre, British na Manipur lousinkhre. Lan ngamlaba British na landa maithiraba Manipur gi Athoubasingda Queen Empress of India gi maiyokta lan hou-i amadi makhoigi phamnaiba Angouba Sahib 5 hatli haibanachingba siningba maral kayamarum sikhi amadi piningba cheirak pikhi. 1891 gi August 13 da Thangal General amasung Jubraj Tikendrajit athouba anisibu Pheidabungda miyam tilhallaga miyamgi mitmangda thouri yanduna hatkhi. British ki maphamda hangatna yengba ngamhandana leibak miyambu makok nolhankhi. Atei lanphasing, haibadi, Pukhramba Kajao Jamandar na 1891 gi may 25 da, Niranjan Subedar na 1891 gi June 8 da, loinana Chirai Naga na 1891 gi October 13 da Keisumsangda thouri yanduna hatkhi. Manipur gi Ningthou Kullachandra ga loinana leibakki masak nairaba miwoi kayabuna Kala Pani (Andaman and Nicobar Islands) da loi thakhi. Kala Pani da loi thakhibasingdi: (1) Kullachandra Dhaja Singh, Maharaj (2) Angousana Singh, Senapati. (3) Lokendrajit Birjit Singh, Wangkheirakpa, (4) Chongtham Nilamani Singh, Ayapurel Major, (5) Maisnam Shamu Singh, Luwang Ningthou, (6) Chongtham Mia Singh, Major, (7) Abungjao Yengkhoiba, (8) Usam Uru Singh, Lallupchingba, (9) Laishram Khamba Singh, (10) Komdram Ghana Singh, Lallupchingba, (11) Chaobi Haidar, Machahal, (12) Mayengbam Dhojo Singh, Machahal, (13) Nepram Noni Singh, Machahal (14) Nongthombam Trilok Singh, Sanglingba Makok, (15) Sagolsem Dhono Singh, (16) Ingudam Ghana Singh, Jamadar, (17) Chingsubam Ningthouba Singh, Jamadar, (18) Phanjoubam Thoiba Singh, Jamadar, (19) Mangsatabam Tonjao Singh, Jamadar, (20) Heigrujam Chaobaton Singh, Subedar, ((21) Ashangbam Phurahongba Singh ( Kut), (22) Ghowkami Naga, (23) Gohow Naga, hairiba athoubasing asini. British na ningtam mayol thudekkhibadagi tuson-mansonnana leiringei tanjada Kangleipakpu 1949 da ee marik amatta tadana Bharat na namdana lousinkhi. Bharat ta tillaba matungda eikhoigi Puwari muthatnanaba khujil-thourang kaya Bharat leingakna chattharakli. 1891 gi Anglo-Manipur War bu Bharat Ningtam lan-gi saruk ama oina uhannaba laknari. Eikhoigi puwarigi maru woiba thoudok[1]wathoksing semdok-sadoknanaba kanna hotnari haina outfit asina thamlakli.

Makha tana outfit asina hai madudi Handak PM Modi gi ‘Azadi Ka Amrit Mahostsav’ ki makhada ‘Har Ghar Triranga’ (Yumthong Khuding Machu Ahum) haiba August ki 13 dagina August 15 phaoba leibak sinba thungna yumthong kudingda Bharat ki Machu Ahumgi Firal yunggadabani haina leingakki loisangsing amadi tongan tonganba  pambei kaya sijinnaduna ‘Pan India’ gi khongjang ama changsillakli. Khongjang asimakti yamna kuiraba kongjang amani. Nathuram Vinayak Godse na Mahatma Gandhi hatpada chennei haiduna pharuba, ‘Hindutva’ gi wakhallon pukhatlamba Vinayak Damodar Sarvarkar gi khudung inba khongjangni. Asigumba khongjang asida Manipur gi leingakna eikhoigi 13 August gi wahanthok lanna halloidabani amadi eikhoigi laiwoikhraba Athoubasinggi mongphamda til sitchalloidabani. ‘Har Ghar Triranga’ gi khongjang asi eikhoigi micham miyamgi wakhaldagi Manipur gi puwari matam chuppagi oina kaothokkhinabagi thousil-thourangni. 1891 gi Anglo-Manipur War di Manipur gi Ningtam Lanni, Bharat ki ningtam Langi saruk ama natte. Anglo-Manipur War, 1891 thokkhraba matung chahi 58 leiraga 1949 khaktada Manipur bu Bharat na namdana lousinkhibani. Masida chamamnaba yaba wapham karimatta yaode. Bharat leingakna thawoina chamamnanaba touribani haina outfit asina thamlakli.

Eikhoigi 13 August di Mareibak Ningba Athoubasinggi maphamda heikat-leikat tamduna ningtamba mangkhibagi awaba phongdokpa numitni. Aduga Bharat ki 15 August di ningtamba phangbagi harao-mathoi kaba numitni. Numit anisigi nunggi oiba wahanthok yamna khennei, amana awaba phongdokpani aduga amana nungaiba phongdokpani. Bharat ki 15 August ki thouramna Manipur gi 13 August konsinpham thokte. Eikhoigi thouramda Bharat ki thouramna yetsinnahalloidabani aduga, makhoigi thouramdasu eikhoina saruk yapham thokte. Thouna pharaba lamdamsigi ipa-ipu kayana ningtam lanphamda thawai kattuna changna yahip tankhrabasu, makhoigi chada-nouda oiriba eikhoi pumbadi ngasiphaoba mikha ponna hingli haibase matam pumbada kaoroidabani, haina outfit asina thamlakli.

Aroibada outfit asina hai madudi houkhiba Puwarigi tangkaksing asida karamna eikhoigi ipa-ipusingduna mai pakkhibage, karamna makhoina maithikhibage amadi matamduda leikhiba ahoba amadi awatpana kari karino hairibasing asi puthoktuna khanna-neinarabadi eikhoigi tunggi poram yatpada achouba mateng oinagani. Puwarigi tangkaksing asidagi amadi eikhoina tasenna yawolgi thabaktagi hakthengnana phanglakpa lousingga loinana Yawolgi Pomilon kaya sijinnaduna ngasigi WESEA amadi Manipur gi kang-khong chaina leiriba phibhamsing asi tasin-khomjillagadi, lamdamsigi Yawol lantheng hannagum mangda pukhatpa ngamgani. Ngasigi mirolna Yawol lantheng mangda pukhatpa haibasi yamnamak tangaiphadabani.

You might also like
Leave A Reply

Your email address will not be published.