Dry State oiriba state lamdam asida athingba amata leitabagumna Yoo marang kaina phangli: CADA
Issued by Khundongbam Anand
Coalition Against Drugs & Alcohol (CADA) na lamdam asidagi mayai kaba chinjak (Nisha) maru phangna muthatnaba changsillakpa tongan-tonganba khongjang gi saruk ama oina ngasi tang 4/9/2022 gi nungthil pung 2.30 rom taba matamda Imphal East District ki manung chanba Khurai Sajor Leikai da CADA gi team amana The Netaji Memorial Club ki mateng ga loinana chathakhiba drive ta Yoongou litre 250 rom phagattuna manghankhre.
Phagatlaba Yoongou sing adu The Netaji Memorial Club, Khurai Kongpal Thoubandong da puraktuna heidoktuna manghankhi.
“Dry State” oiriba state lamdam asida athingba amata leitabagumna Yoo marang kaina phangli. Adubu state leingak amadi state ki machinery singna yoo thingnaba hotnabagi mahutta Yoo thingba ngamdrabanina legalization toubana phagani amasung Yoo legalization tougani haiba wapham sing phongdokpasi laibak thibani. Heeram asida meeyam saruk yaduna taret – tara thokna khannahoubana khunnai asigi tung gi aphaba oigani. Namphu da Yoo legalization tounaba hotnabana aphaba purakloi, laibak erang houba oina thokkani amasung khunnai asida Yoo gi sathiba cheitheng mayoknarakkani. Yoo legalization toubana khunnai da kannagadba amasung Yoo legalization toubana khunnai da kaya yamna mangjagadage haibagi chap-chaba white paper ama puthoktuna khannagadbani.
(Khundongbam Anand is Secretary Information & Publicity, CADA)