Houjik Manipur leingakna houkhiba chahi kharagi mamangdagi “War on Drugs” campaign chathaduna lakli. Lupa crore na khujing oiba drugs kaya nongma kangdana phari. Adubu phariba drugs singdugi asengba mapu phaba ngamdana tokhiba, loutunaba manba thouwong kayadagi drug lallonba sing thadokhiba kaya thengnari.
By Khundongbam Anand
Houkhiba tang 2/8/2022 da Manipur da base touba web portal “The Frontier Manipur” gi Executive Editor Paojel Chaoba na web portal asigi Facebook page ta Imphal East District ki manung chanba Andro ga thangnana leiba Kangpokpi District ki Island Block ki manung chanba Gotankot Village ki pak chaoba chingmai gi saruk kharada Ganja (Marijuana) pak chaona thabagi video ama thagatlakhi. Hairiba video asina tasengna achumba oiba taragadi Manipur meeyam gi oina laibak yamna thibani haina Coalition Against Drugs & Alcohol (CADA) na lou e. Narcotic Drugs & Psychotropic Substance (NDPS) Act 1985 ki manung chanba Ganja (Marijuana) law gi oiba athingba leiduna thaba yadribani adubu Gotankot ta Delhi da base touba Company amagi makhada pak-sanna tharamliba asi Manipur leingakna ayaba pithoklibra, karigumba ayaba pithokpa leiragana kari maramgi piribano haibadu sengdokpham thok e.
Houjik Manipur leingakna houkhiba chahi kharagi mamangdagi “War on Drugs” campaign chathaduna lakli. Lupa crore na khujing oiba drugs kaya nongma kangdana phari. Adubu phariba drugs singdugi asengba mapu phaba ngamdana tokhiba, loutunaba manba thouwong kayadagi drug lallonba sing thadokhiba kaya thengnari. Leppa leitana drugs phagatlabasu drugs ki problem hanthaba leite, drugs lallonba, drug ta laichuba meeoi gi masing nongma-nongmgi hengatlakli haiba yai. Amaromdana Manipur Liquor Prohibition Act 1991 gi matung inna Yoo sungba amadi yonbagi athingba leirabasu Indian Made Foreign Liquor (IMFL), Foreign Liquor amadi Distilled Indigenous Liquor (DIC) sing Manipur gi mapham khudingmakta phangdaba leite, phongna yonbagi mathakta tongan-tonganba brand name sijinnaduna manufacture touri. Adubu Manipur leingakna khangsinnadana leiri. Prohibition act asi mapanggal kalhanduna lamdam asidagi yoo mapung phana thingnaba hotnabagi mahutta Yoo legalization tounaba thourang touriba asi angakpa phao e.
(Khundongbam Anand is Secretary, Information & Publicity, CADA)