The Mirror of Manipur || Fast, Factual and Fearless.

DMU da tamliba maheiroisinggi career mangladra chingnare, yengsinbinaba leitre

File photo of DM University students protesting
0

A student of DM College of Arts expressed apprehension that the career of the students might be in jeopardy during this trying times.

By MC Nganthoilembi

Dhanamanjuri University (DMU) asigi administration gi mathou ningthina toubidaba, University asibu yengsinbinaba leitabana maheiroisingi career mangladra haibagi chingnaba phaore. Maheiroising ngasiphaoba lairik ningthina tamba phangdabaga loinana khudongchaba kaya mayoknaduna lakli.

2018-19 batch ki maheiroisingna BA 1st year kaduna exam thaba houbadagi ngasiphaoba maheiroisingda pendaba kaya phaori. 1st semester exam thaba loiraba matung 2nd semester tharamdai phaoba 1st semester gi exam result thokpikhide. Masida satrasingna exam result haidokpinaba taksinbadagi konnathangda exam result haidorakhi adubu thengna exam haidorakpana maheiroisingda khudong chadaba kaya mayoknahankhi. 2nd semester gi xam routine su exam thagadaba numit 15 days khak ngairaba kanda pibikhi. Exam loiduna Class houraba phaoba syallabus pibidabagi awaba kaya amasu mayoknakhi.

DMU asida BA taknaba ojagi watlingei cheirakta MA course hangdokhibana oja singna hai haiduna lairik takpadagi Graduation touriba maheirosingda lumna loubagi mahut Post Graduate ki class ta henna lumna loukhi. Lairik takpinaba watliba oja sing happinaba maheiroisingda mari leinabasingda khanghanlabasu hapirakhide. 3rd semester karakpa matamda Federation of Government College Teachers’ Associations (FEGOCTA) amai ojasinggi strike leikhibana class toubikhide, syllabus cover toukhide adubu exam di tounaba matam leplakhi.

Semester amagi course matam asi tha 6 oi adubu DMU da 1st, 2nd, 3rd semester exam chahi amada punna pangthoknaba hotnarakhi. Maheiroisingsu upai leitabana preparation touhounaba numit 15 ni matam pibinaba authority da hairubada yaraktabadagi muknaba thokhi amadi police personnel phaoba thajanbikhi amadi namduna exam pangthokhi. 4th  semester karakpaga oja singgi strike amuk hourakhi amadi COVID-19 gi leina laichat sandorakpana chahi amarom henna lairik tamba phangkhidabana 4th Semester gi exam toudana Internal Assessment piduna loisinkhi.

Matamduda exam tounaba authority na notice thorakhibasing adu khudak khudakta thorakpa oikhi. Exam gi notice amadi routine sing thorakpadasu aranba kaya yaokhi. Thakhriba exam sing aduda maheiroi kharadadi makhoina eramliba aduga phangliba mark ka chanadabadagi re-evaluation tounaba hotnakhi adubu exam controller amadi department singgi head singa enthok enjan tounabana maheiroi ayamba re-evaluation touba phangkhide. Re-evaluation touba phangkhiba maheiroi kharasu makhoina eramliba che adu check touba changbada piramliba mark masingkhak yenghallaga thadorakpagi thoudoksing leikhi.

University asida maheiroisingna tamlakpadagi houna matam chana nongmata toupham thokpa thabk tourakpa leitri. University ama oibagi Inter College Youth Festival amukta phaoba pangthokte amadi co-curricular activities sing mapung phana toudari. Admission toubagi matangda maram chadana processing fee louba, Scholarship thajinbadasu ahenba senpham loubagi thoudoksing leiri. Maduda maheiroisingna hanglubada staffs singgi mathou tabasing mengkhatlibani hairi. Maheiroisingdagi loukhtpa senna staffsing gi sen mengkhatpani hairakpa asina leingakki University asi karamba mawonggi University no, maheiroisingdagi authority na  e chuplabara haibagi waphamsu thorakli.

University amani haina semgatsagatliba asigi mahutta watliba oja sing mengkhatpa adu maheiroisingna pammi. Maramdi mamangda DM gi segairaba class class ta phamduna tamkhiba maheiroi kaya mi oikhi, oja singna ningthina lairik tambikhi. Adubu Infrastructure semgatliba, phajahalliba ngasigi DMU asidadi maheiroising lairik takpigadaba oja masing watpana lairik tamba phangdana leiri. Ngasiphaoba mamangda thanakhiba exam gi back paper singgi marksheet pithokpidana leiri. Houjik 3rd semester kariba maheiroisinggi registration chahi ama hellabaphoba pibidri, 4th Semester gi admit card su pidri. DMU gi administration gi asoiba mayamna matam chana toupham thokpasing touba ngamdabada nattana maheiroising victim gi khayatta langsinbiri.

Dhanamanjuri University (DMU) chaokhtpa haibasidi ningthina administration mathou touraba, maheiroisinggi aningba apamba khangbiraba,leipham thokpa oja, staff, library nachingba watrabakanda oigani. Infrastructure/building khak semgat sagatpana aphaba University oigadaba natte haibasi University gi authority amadi leingakna khangpham thok e.

Atei university singna progress leiraga DMU na progress amata leitaba asi ekainingaini. COVID gi cheitheng phangba tarabasu atoppa University singdi maheiroisinggi chahi mangdanaba hotnari. India gi prominent University sing form thaba hounarkle, Manipur University (MU) gi makhada leiriba college singgi 6th semester exam thanaba hotnari. Adubu DMU gidi matik chaba mioi kayana authority pairabasu ngasiphaoba karigumba amatta paikhattana, khangsinadana leithokpagi mami tari. DMU da Graduation touriba maheiroisinggi chahi mangdanaba, atei university ga manana chatnaba  August phobagi manungda watliba smester exam sing pangthokpiba ngamnaba hotnaba mathou tai. Maheiroising asina sotthahouragadi karamba University da lairik makha tamthagani khallubada chamamnaba phaowi.  DMU gi leiriba asoibasing asi semdokpa mathou tai, atoppa University gum maheiroisingi soidanaba hotnabiyu. Satra ama oina thengnariba khudongchadaba kaya asi mari leinabasingna yengsinbiyu.

MC Nganthoilembi

BA 5th semester

Geography Department 

DMC Arts

You might also like
Leave A Reply

Your email address will not be published.