Issued by Khundongbam Anand, Secretary Information & Publicity, CADA
Coalition Against Drugs & Alcohol (CADA) na lamdam asidagi mayai kaba chinjak (Nisha) maru phangna muthatnaba changsillakpa tongan-tonganba khongjang gi saruk ama oina ngasi tang 29/3/2022 gi nungthil pung 2.00 taba matamda Kakching District ki manung chanba Nungoo Community Hall da CADA, Southern Refulgent Kangleipak Club, The Thoubal District United Women’s Development Organization (Thoubal Ima) amasung Nungoo Meira Paibi punna sinduna “NISHANA KHUNNAIDA PIBA CHEITHENG AMASUNG MASIBU THINGBADA MEEYAM GI THOUDANG” haiba heeram da meeyam gi oiba khanna-neinaba meepham ama pangthokhre. Pangthokhiba khanna-neinaba meepham aduda Ningthoujam Komol – Khungi ahal; Hijam Priyokumar – President,CADA; Khumukcham Memma – Vice President, Thoubal Ima amasung Ningthoujam Shanti – Executive Member, Nungoo Meira Paibi na thouram adugi presidium member sing oina saruk yakhi.
Thouram adugi resource person oina Dipanjit Ningthoujam – Vice-President, CADA na saruk yakhi. Presidium member oina saruk yakhiba Hijam Priyokumar – President, CADA na haikhibada, ngasi lamdam asigi mapham ayambada Yoo nattraga Drug makhal ama nattraga ama sijinnadba naharol leitre haiba yai. Khongjang asi law enforcing agency sing amasung CSO sing punna chatminaduna thingnaba hotnahoudrabadi khunnai asida generation gap ama leirakpa yabagi akiba chaona leire haikhi. Khunnai asigi luraba tanja asida Manipur leingakna chathariba “War on Drugs” campaign asi achumba khongthangni meepum khudingmakna co-operation pibaga loinana khunnai asidagi mayai kaba chinjak mapung phana thingnaba hotnabada eikhoi-eikhoigi loupham thokpa thoudang sing adu louminasi phongdokhi.
Amaromda “Drug mapu pharaga cheirak piba ngamdaba ‘War on Drugs’ tokpiro” haina CADA na mamangda haikhiba wapham adu Executive Member kharana chaokhatpa amasung leibak macha taba wahei sijinnaba heitabagi thokkhibani, masigi matangda CADA na sengdokchari. CADA na CSO singga pullaga War on Drugs 2.0 da saruk yagani amasung mateng panggani.