44th Foundation Day of KCP: Central Community for Interdependent coexistence, collective progress

It offered revolutionary salutes to the martyred village defenders. It empathised with the pains and sufferings of the internally displaced people affected by the present ethnic conflict between Meitei and Kuki in Manipur

TFM Desk

Extending greetings for its 44^th foundation day which falls on April 14, Kangleipak Communist Party (KCP) Central Committee on Friday (April 12) sent out a message to the people and revolutionary groups working together with it in WESEA, mothers’ associations, CSO, Intellectuals, media persons, health workers, artistes, sports persons and student community. It also offered revolutionary salutes to martyred village defenders. It empathised with the pains and sufferings of the internally displaced people affected by the present ethnic conflict between Meitei and Kuki in Manipur.

Excerpt of press statement issued in Meiteilon:

44 suba Mapok numitni Numit asigi khudongchaba loujaraga KCP Central Committee na leibak miyamda leibakki oiba wapham kharadang nollukna thamjari.

KCP Central Committee gi matung inna, Kangleipak (Manipur) haiba eikhoigi ireibak asi Asia gi maningtamba leibaksinggi manungda masagi ayiba puwari sagonnajaraklaba leibakni. Matam amada leibaksigi maming Manipur koudringeida Meckley haina khangnarammi. Matamduda leibaksigi ngamkhei yamna pak-chaona sandoktuna leirammi. Adumnadi oiraga, leibaksigi ngamkheisi leibaksida pankhiba Ningthousinggi mapanggal kanba nattraga sonbagi makha ponna hek hek hongdok hongjil tourakkhi. Anglo-Manipuri Treaty, 1762 inaduna British ka Meckley (Manipur) ga ihan hanba oina mari thamnarakkhiba matamdudagi houna yengbada Eikhoigi lu-tongda loinarakpa amadi kokta leirakkhiba Meckley (Manipur) gi ngamkhei asi: Awangda Assam, Nongpokta China, Nongchupta Bengal amasung Khada Roshaan amadi Burmah oirakkhi. Asigumba Kangleipak (Manipur) gi mamangeida oiramba lamgi pak-chaoba asiga mari leinaba ngaklou khara loukhatlabada 1762 gi Anglo-Manipuri Treaty, Brookes’ General Gazatteer Abridged, London, 1796, Alexander Mackenzie gi lairik ‘The North East Frontier of India’, R. B. Pemberton gi Manipur gi ngamkheiga mari leinaba waphamsing, Sir Johnstone na ngamkheigi matangda hairamba waphamsing amasung John Arrowsmith ki ‘Main Land South-East Asia, 1832 ki Map’ asinachingba panba yai.

Makhata na KCP Central Committee hai adu di asuk yamna pak-chaoramkhraba Manipur gi ngamkhei asi matamgi khongchatta asum asum mami samlakkhi amadi piksillakkhi. Puwarigi tangkak kharadang hangatna yengba matamda Leibaksigi ngamkhei karamna piksillakkhibage haibasi eikhoina irai laina uba ngamgani. Treaty of Yandabo, 1826 inaraba matungda chaorakna 22,210 sq. kms. pak-chaoba Kabo Valley British na khujil-thourang touduna Burma da sandokkhi, sandokmal oina Manipur da tha amada Sicca Rs 500 (Senpham asi ngasigi Indian Currency da Rs 8000 crores muk oigani.) kaba haina yannakhi. Anglo-Manipur War, 1891 matungda Manipur da Manipur State Durbar gi makhada British na Ching amasung Tam-gi Administration ani thokna khaidoktuna eikhoigi meeyamda Divide and Rule Policy gi maru hullakkhre.

Eikhoigi meeyamgi lu-tongda matam kayadagi yaojarakpa amadi kokta leijarakpa Idea of Manipur gi Apunba saktam thugaiba hourakkhre. 1947 da Manipur gi ningtamba Bodhachandra Ningthouda sinnaramlaga British pumba Manipur thadoktuna chatnaba sem-sakhre. Ningthougi Leingak mutthatuna Manipur Constitution Act, 1957 gi makhada 1958 ta mikhal pangthoktuna Manipur da Meeyamgi leingak lingkhatkhi. Asigumba Meeyamgi leingak asigi wa matamdugi India leingakna kari amatta tadana Manipur Merger Agreement, 1949 da Bodhachandra Ningthou bu namdana khutyek ming pihanduna Manipur bu India da tinsinkhi, haina KCP Central Committee na thamlakli.

KCP Central Committee gi matung inna, Bharat ki phibannungda Manipur na tinkhraba matungda 1953 da Bharat ki Prime Minister Jawaharlal Nehru ga Burma gi Prime Minister U Nu ga Imphal da unakhi. Leibak anigi Prime Minister anina unnakhiba aduda karamba Agreement tounakhibano khangdrabasu makhoi ani unnakhiba adudagi Manipur gi ngamkhei asi khangpik piksillakpada nattana charak-chahing nairakkhre. Ngasi Manipur gi ngamkhei kaiba yaroi haina eikhoigi meeyamna laoriba lamgi pak-chaobasi 22,327 sq. kms. khaktani. Masidi houkhiba matamsingda oirambaga yengnarubada khwaidagi pikpa leibaksigi pak-chaobani. India leingakna makhoigi matam amagi loi mapu British na tambiramba Divide and Rule gi policy adu ngasisu Manipur da chatthaduna Manipur bu machet machet kaya thokna thugainaba matam kayadagi hotnarakli.

Eikhoigi meeyambu chammamnahanba Bharat machasinggi Chanakya Niti gi aronba lallong kaya phana yamna mai pakna changsillakli. Houjik Manipur karamba phibhamda leiri haiba wahang KCP Central Committee na hanglakli.

Makha tana KCP Central Committee gi haibagi matung inna Manipur gi houjik oiriba phibham yamna pukning nungsiningaini. Bharat leingakki aronba lallong oina May 3, 2023 dagi chatharakliba Kuki-Narco-Terrorist pu khunek oina sijinnaduna Meitei bu hatpa￾tuppagi laan asi chahi pharakle. Lan asina meewoi kaya hatkhre, kaya amana thiba khangdana mangkhre, kaya amana soinaiba punsi oihankhre. Khul/Leikai tumna mei thadokkhre, yum-kei tanggoi onkhre. Churachanpur, Kangpokpi, Motbung nachingba maphamsingdadi meina chakhoudaba Meitei gi yum-kei Bulldozer sijinnaduna temthokkhre, Meiteina khundarammi haibagi mami phaoba muthatkhre. Kukisingna Meitei singgi mathakta chatharakpa Ethnic Cleansing mapung phana pangthokkhre. Masagi maramdamda khuntak-lansi nangduna lanjennariba meewoi lising lisingna magi magi mari-mata, imung-manung amadi Relief Camp singda changjapham louduna leiri. Mitki pi marakta hingli. Leibaksi mapu pandre. Leingak leitre. Isana isagi laibak lepchaba nattana atei karamba pambei leiri? Phibham asidagi leibakkidamak maromdom chongthorakkhiba nahasingna khudakta laan-gi khutsu-khutlai, sarit-sarat, huyel-lallong tamduna semgatlakkhiba khungakpasingna khun ngakli. Meeyamgi punsi amadi lan-thum kalli. Tougadaba mathou toudraba masana pairiba sinphamgi Moral & Ethics ngakna chattraba Bharat leingakki Military amadi Paramilitary tengol tengolna Meitei Kuki hatnababu kummeigum yengli. Leibaksigi chingkhong chingyada Buffer Zone haina thamjinduna Sekmai romda Kanglatongbi dagi hendokhandana, Churachanpur chatpagi lambida Phoubakchao ikhaidagi lanthok-handana, New Cachar Road tana Keithelmanbi gi wangma lalhandana, Ukrul lambida Yaingangpokpi dagi makha tahandana, Moreh chatpagi lambida Pallel dagi hendokhandana, Sugnu romda Serou dagi henjinhandana Meitei singbu maikei khudingmakta thatchinduna Concentration Camp da leiba phadokkumna leng-otpa yadana thamli. Sandrembi imadi ngak youre haibaduga pangkhak oirabani haina hairi.

KCP Central Committee gi matung inna Leibakki senmitsu Demonetization amadi Corona gi laichat matamdagi Primary Sector dagi houraga Secondary Sector amadi Tertiary Sector da sokchinduna lakkhrabani. Handakki laan manungsida mangkhriba meeyamgi lan-thumsi Lupa crore crore Kayani. Masigi mathakta leibak-meeyamgi senmitlolgi yumpham thugaikhrabani. Masi pumnamak asi karamna semgat-sagatkani? Karamba matamda masi pumnamak asi phukkatpa ngamgadouri? Lanjennariba meeyam houjiksu supham￾nompham khangdana hingbagi wahanthok yaodana wakhal leinana naduna leiri amadi masa masagi mayum ingkholda hanjindri. Laan loidri. Pangthoktaba yadaba laining-laisol gi oiba thouramsing amadi kum amagi natki oiba kumhei-phihongsing, Ningol Chakouba, Yaosang, Cheiraoba, Gaan ngai, Eid, Christmas nachingba leibakki phibhamna maram oiduna amatta ningthi-nungaina pangthoknakhidre, loinana punglep leppasu yaokhre. Adubu lallaksida India gi Electoral Festival, ‘Lok Sabha mikhal’ di miyamna pangthokpa pamdrabasu chatliba chahisigi April 19 amasung April 26 ta namdana pangthokkadouri, haina thamlak li

India gi Geo-Strategic Kaladan Mission haibadu matangsida natheinaramlaga eikhoina irai laina lambada uba ngamba wahang khara chongthorakli. MP Election mamangda Bharat leingakna Kuki￾Narco-Terrorist sing thoujinduna maral leijadaba Meitei meechamsingda landahanduna khoichak thabada Meitei lalhouba kayamna kouthokpa ngamkhre? Election gi Notice thokpaga Kukising nongmei kappa khanglat lat-hankhribasi India leingakki pandam phangkhrabra? Meekhal matungdana kari amuk tourakkadouri? Magi magi phurupki akhuba mityengda phurup amaga amaga yanthatnabagi laanthenggi maikeida Bharat leingakna Manipur gi mangkhraba ningtamba hanjinbagi lanthenggi maiwon mapung phana theidokpa ngamgadouribra? Lamdamsigi phurup pumba maru phangna mutthatpa haibasi India gi Deep State ki matam kayadagi leptana chatharakliba lengdraba lallongni haibasi eikhoigi phurupcha khudingmakna keidounungda kaoroidabani, KCP Central Committee gi cherolda palli.

Lamdamsida khundaminnariba phurupchasingna magi magi phurup khaktagi khanba akhuba wakhal￾mityengna maram oiduna londinnaramba phurupcha kaya lapthoknarakli amadi amaga amaga unnaba phaoba yadabagi changda yengthinarakli. Loinana masina Leibakki apunba saktamda singnarakkhre. Eikhoi pumbagi Idea of Manipur thugairakkhre. Asigumba masagi phurupkhaktagi khanba akhuba wakhal-mityeng asibu mapan thokna sougatlibasi atei kana amana natte eikhoi pumbagi amatta ngairaba yeknaba Bharat leingaknani. Bharat leingakna thakpa sarou laangdagi nathoknaba tangaiphadana eikhoi hotnagadabani amadi masida amuk hanna thudanaba eikhoi khudingmak khu senna leigadabani. Phurup khudingmak amaga amaga mapan tangnaba phibhamda hingminnaba amadi punna chaokhatminnaba haiba punsirol asitana eikhoi pumbagi amatta ngairaba tunglamchatki lambi oigani, haina KCP Central Committee cherol aduna thamlakli.