The proscribed United National Liberation Front (UNLF) has mourned the demise of its members “Major” Yaiphaba and “Captain” Jirilakpa who were killed in an incident on the intervening night of January 3 and 4 at a jungle near Vanglai in Myanmar.
TFM Desk
Proscribed group UNLF ki deputy secretary of publicity M Sak-hen na thadorakpa cherol aman panli madudi “Itao anina manung matam chadana leikhidaba asida UNLF amadi laanmee sanglup MPA na thamoi sokna nungaitaba amasung awaba phongdokchari. Awaba Phongdokpa Thouram, UNLF ki CHQ, External Affairs, ki HQ, Branch Office, District Unit sing, MPA gi GHQ, 293 Bn., UNLF amasung MPA gi Unit khudingmakta ngasi eng kumja 2023 gi January 6, Irai numit ki ayuk 0900 Hrs. ta Minute Ani tuminna leptuna awaba phongdokkhi.
Cherol aduna hai, “Yaiphaba, MPA Service No 309/10 amadi Jirilakpa, MPA Service No 961/16, Itao ani asi MPA gi GHQ na sinnaba thoudang ama mai paakna paangthoklamlaba matung hallakpagi lambi da IOF ki 46suba AR ga loutunaba masak khangdaba khutlai paiba meeoi kangbu amana phaduna pukhraga Manipur –Myanmar ngamkhei da leiba Vanglai kouba Myanmar gi khul amagi Umang manungda Jan.3 amadi 4 gi lonnaba ahing gi matam da nongmeina kaaptuna haatlamkhi. Athouba Itao ani asi IOF ka loutunaba meeoising aduna makhut chanba matamda phijam (Civil Dress) setkhi, adubu camouflage dress setchanbiraga haatlamkhi”.
UNLF na hairi madudi, Athouba Itao ani na manung matam chadana leikhidaba asi UNLF/MPA gi maangjabakhak nattana “eikhoigi ningtam lalhou” asigi achouba maangjaba amani.
Leikhidraba Salam Yaiphaba @ Ranjan @ Sobha, Tokpaching, Heidroipokpi da leiba S. Lilachandra amadi Salam Ongbi Ketuki na pokchaba nupa machin manao ahum gi manungda mahakna ahalni. Itao asi yamna naha oiringeidagi houna mareipak pu nungsijaba amadi meeyam gi thabak thouramsing da thawai yaona hourakpa itaoni. Mahak UNLF ki Laanmi sanglup MPA da yaoduna MPA gi 291 Bn.Hq Chumnu Camp ta 1996 ki February 7 ta BMT loiduna MPA ama oina washak loukhi. Mahak ki Ser.No.309 ni. Yaiphaba, MPA gi katthoklaba Laanmee ama oiduna mathang mathang NCO gi phamthol phanglaba matungda 2013 dagi Lt.gi phamthol, 9 Feb 2015 da Captain amadi 24 November 2019 da Major gi phamthol piduna MPA gi achangba senior officer ama oibaga loinana 2014 dagi Party cadre amasu oirakkhi, hairi.
Cherol aduna makha tana hairi, Yaiphaba na United Base Area da leiringei matamdasu WESEA lamdamgi atei yawollup sing gi yawolloising ga aphaba mari thamduna Party gi Regional policy gi lamjing makhada masagi mathou mapung phana paangthoklamkhi. “Yaiphaba, mee tinnaba heiba, UNLF ki wakhallol pomit amadi thabak thouram munna khangkhiba, sanglup ki chatna kanglon chetna ngaakkhiba, Sanglup ki apunba punsirol chetna ngaakkhiba, leisemlol gi lousing leiba nungsikhiba achangba yawol Laanmee Amani”, hairi UNLF na.
“Yaiphaba punsigi aroiba mikup phaoba wakhal da ninghannaba, akiba amatta yaodana ima leipakkidamak thawaina pontha piduna nungsiraba imung-manung, thoidokna katthokpagi awangba phidam leibi mahakki loinabi, pikliba tha ahum khakta ngairibi machanupi amasung pikliba machanupa ama, amadi eikhoi pumnamakpu thadoklamlaga punsi pikhamnakhi”, panli cherol aduna.
Hanjabam Jirilakpa @Tomba Apokpagi ming H. Jugindro Apokpigi ming Nenathoi leiphamna Jiribam Bidyanagar Mamang leikai da leiba itao asi machin manao Taramathoi, nupa Taret amadi nupi Mari gi manungda mahakna manga subani. Mahak yamna nouna masagi chahi 18 lomda ngairingeida mareipak maphurup pu nungsibagi kallaba ithilna mahakki nungsijaraba apokpa apokpi machil manao marup mapija kayabu thadoklamlaga maangkhraba Manipur gi “Ningtamba hanjinnaba laan da yawolloi ama oina saruk yanabagi pukning gi chap yungba phirep amaga loinana MPA gi Laanmee oinaba laakkhiba itaoni”.
UNLF na hairi, Jirilakpa punsigi aroiba mikup phaoba wakhal da ninghannaba, aki-tujungba amatta yaodana ima leipakkidamak nungsiraba imung-manung thoidokna katthokpagi awangba phidam leibi mahakki loinabi, pikliba machanupa ani amadi eikhoi pumnamakpu thadoklamlaga punsi gi aroiba yahip taankhi.