Laina asina maram oiraga maheiroi singgi tunggi punshida chaona sok-hanlagani haibadi ooba fangkhi. Sok-halibasi karamna kharadang oirabasu taisinbinaba sinba tangai fadaba leiree .
By Glady Kshetrimayum
Introduction
Ing kumja 2019 gi December thadagi hourak khiba Corona virus na thok-hanba Covid-19 laina asina malem prithibi pumba thak thak nikpamakhei thawai kaya loukhre, aduga, meeoi kaya amabusu otpiri. Asigumlaba awabana thalaba matam asida Manipur gumba lairaraba, ahobatana thallaba leipak asigi maheiroi singdi ana laiyong asi lanthengnari ngei tung-gi punshi di kadomdano kana nasu haiba ngamdri.
What is Covid-19 Pandemic and how does it spread in Manipur?
Corona kouba sekpi, houdong amasung camel da fangba mahik (virus) asi sha ahum asida yaojarabasu makhoida karigumba akaiba anaba ama tadi thok-hande. Adubu virus asi sha singda chongsinduna changba ngammi. Sha makhal hongbada virus masasu masak hong-ee. Ngasi ngasi eikhoina thengnariba meeoiba gi hakchang da fangliba virus ki masak asi na Covid-19 nahali.
Covid 19 laina asi ehan hanna China gi Wuhan da 2019 gi December da narakpa houbagi report fangkhi. Covid-19 laina asi lok, tin, amadi nungsha shwar honbana chingbada sandok-ee. Chumna gi lok laihou dagi houraga sathiraba nungshitlambigi lainani (respiratory disease). henna sokchillaga siba faoba yaohalli. Laina asi mit, naton, amasung khanao gi lambidagi hakchang manungda changduna nahalli. Aduna mahik asi changba dagi ngakthoknaba chin naton khumba face mask upnaba, mai mit khutna paibidaba, khutsha toina sapon natraga alcohol yaoba sanitizerna hamdokpinaba WHO gi guidelines gi matung khanghalli. Adubu mahik asi anouba oibana, masi laiyengnaba hidak leitabana, thijin khotchin touringeida, mahik ti yaoraga symptoms utthoktabana, checksinhoudaba thouoirudaba mikup singda asum asum sandokkhibana malem sinba thungna akiba masak lourakhibani haiba yai.
Lam lamsingda Covid-19 laina asina pirakliba cheitheng asina asum asum hengatlak-ee. Msina miram singda lairik laisu tamduna leikhiba amadi thabak touduna vara da hostel da leibasing adu leipak leipak tugi erang adugi yenglaga thingjillakpadagi mareipak maram da hanarakhi. Asum na touba asina, laina sandokpa thingliba lockdown na chingba thamduna Covid-19 gi anaba ama fao leitri safari khanjaramba eramdam Manipur da su laina asi yourakkhi. Eehan hanba oina London dagi hallakpi cahi 23 subi nupi macha ama March ki tang 24, 2020 da corona positive oiduna Manipur gi ahanba Covid-19 patient oikhi. Asum toudana mapan lamda leikhiba shingduna leifam leitaba amadi awaba kaya mayoknabadagi mayum mayum da halakpada, lambidagi oiba yai, corona positive oiba kaya yaoraktuna Manipur gi Covid-19 patient masing hengatlak khi. Amasung laina asibu thou-oidana meeyam punbana chingba touba singna laina hen-gatlakpada mateng pang-ee.
Chahi ama chupna laina asina piba awabasi meeyamna khangduna lakkhi. Kumja 2021 na laklabada laina ashi loikhrani haiduna asha thamduna haraona nganakhi. Knna checksinba asina 2021 na lakpa dadi khara makheidi hanthaba ngamkhi. SOPs ngaktuna thabak thouram kaya hannagum touba hounarakkhi. School college su hangnarakkhi. Adubu wana kuina chahi ama lelluraga khara komthokrakpada faraboi khanjaruba adu aremba oikhi. Meeyam singna checksinba watpadagi haiba tai kumhei haraoda kahenna lupsinkhi. Laina asi pungfa fakhrabagumna khanba gum lounakhi. SOP thugaigduna meeyam pak sanna tinba thouram kaya pangthoknakhi. Masina maram oigani khalli, ngashi ngashimak corona gi 1st wave ta toukhidaba mawong amada India amasung Manipur da 2nd wave lakkhi. Asumna houjik houjik su Manipur da corona gi 1st amasung 2nd wave na meeoi kayagi thawai louri.
How does it affect the peoples?
Covid-19 na sok-hanba akaiba pibagidi kari amuk hairukhini? Chahi ama chupna prithibi pumba thak thak niklibani. Maram sina laichat ashi ahum suba prithibi gi lanjaoni (3rd World War) lounaribani. Masi haibada henjinna haimanba thokloi.
Covid-19 anouba laina oiba maramna laina ashi gi akaknaba hidak amasung laiyeng pathap leite. Laina ashi pak-sanna sandokrakpadagi thingnaba amata ngairaba pambei oina leingak singna khudak khudakta lockdown loathokrak khi.
Leingak na laina ashi sandokpa thingnaba hotnariba ashi nakan nammatagi mityeng oi. Haibadi, eenak keirak khunba singdi pot-chei chana-thaknaba leisil houee. Adubu lairabasingdi khangna khangna sel leitabana leisilhouba ngamde. Aduna chakkhum mei mutpa kaya yaodaba natte.
Khudakta thingjinkhiba asina meeram da leikhiba singdi thoklakpasu nanghoudaba leifamsingdudasu chana thaknaba leiraktaba, leifam singdasu laina asina maram oiraga leihaninglaktabadagi tanthokpibana chingba khudong chadaba sing mayoknakhi.
Meeramda leikhiba macha singgi khanba da mayumda leiriba mama mapa sing leifam chafam khangkhide. Leingakna sinduna thoklaklaba matam dana kuina urudraba macha singdu corona positive oire tabada fangkhiba wakhal da charangnaba amasung cheitheng kaya fangkhi.
Sel leirabasu acha athak leiba fangdaba gi khudongchada leikhi. Nongma gi suraga chaba singdi sel su leirakhide. Sel tanfamsu leikhide. Vote ki namada yenliba cheng hawai kharadunadi mapung fakhide. Pukchakki cheitheng kaya nangkhi.
Hinjang napi thaba singna yonfam leitaba dagi pat pumduna mangba kaya mayoknakhi. Nakan amaromdana hinjang napi leiba fangdabadagi mamal tangna tangna leiba kaya yaokhi. Sungfang fangdaba kaya awaba nangkhi.
Positive oirurabasing naba faraga thoklakpada makhoida akhuba mityengna yengbikhi. Eemung manung faobana hanggoiba utpikhi. Laina narubadagi meeyam dagi lapnarubagi wakhal sontharingeida hanggoi ba utuna wakhalda cheitheng nangkhi. Pumnamak ashi khangba ngamdabadagi thawai thaba su yaokhidaba natte.
Covid nattaba atoppa laina narabasing gi laiyengfam leikhide. Laiyengfam leitabadagi sikhiba kaya yaokhi. Laiyengba chatlagana nganna yenglamlabadi kanhouba ngamgadaba anaba kaya corona test touraga result ngairingei quarantine touringei laiyeng thengthabadagi sikhiba kaya yaokhi.
Laina ashibu maithiba punabagidamak, akiba kaya thadoklaga lanthengnariba frontline worker sing doctors, nurses, police na chingba singi eemung manung bu leikai miyamna hanggoi na yengbikhi. Makhoibu thouna happibagi mahutta awaba oina pibikhi.
Maheiroi singna lairik tamba fangkhide. Online class na chingba touba dana lairaba maheiroi singna smartphone leiba ngamdabana yaoba fangkhide. Government ki sinmee singdi tolop ki chingnaba leite. Adubu private ki sinmee singdi makok ta khut hapnakhi.
Lockdown manungda meesingna kuina yum yum da toufam khangdana leibadagi depression narakpa na chingba leikhi.
Cheitheng sing ashi meeoibada khakta nattana jiba ateidasu sokkhi. Mapu leitaba yong hui nachingbasing chana thaknaba pijabina leitabagi awaba kaya mayoknakhi. Pumnamak ashi khanghoudana thokpa laichatki mahei oibana, leingaksu mashi thengnabada awaba kaya mayoknakhi. Amaromda lannai Covid care centre singna paisa yamna loukhi. Masina anabasingda cheitheng oikhi. Narabasinggi bed, oxygen cylinder, asinachingba watpagi awaba kaya mayoknakhi.
How are the responses by the government and others to the pandemic?
Lam lam singda kankhatlakliba laina ashigi cheitheng asi ubada India amasung Manipur sarkarna laichat asi paktaknana sandorakpadagi thinghounaba thourang kaya toukhi. Leipak pumba lockdown louthok-khi. Meeyam punba thoudok wathok sing lep-hankhi. Tangaifadaba deva karma singbuna meesing hanthana touhankhi. School college sing thingjinkhi. Mayumda hallakpa ngamdriba mapal lamda leikhiba sing adubu Manipur da hallaknaba sinbikhi. Mayumda hallakpasinggidamak quarantine centre kaya mafam kayada hangduna doctor kaya thaduna laina asidagi ngakthoknaba hotnakhi.
Paradhan Mantri gi mityeng makha da pitharakpa cheng sing meeyamda lemna phanghankhi. Prime Minister na laina asigi tengbang oina nupi sing gi account da tha amagi lupa 500 hap 2020 gi March tagi June faoba pitharakkhi. Police singna meeyam punbasing thingnaba checksin thourang kaya paikhatkhi. Ahanba Manipur gi covid patient laiyengkhiba doctor singbu selgi mana piduna doctor singbu pukning thougatkhi. Lemmna Covid19 vaccines fanghanba hourakkhi. Meeoi khuding hidak kapthoknaba sin langba hourakkhi. Chief Minister gi hakchel tengbang pibikhi. PM amadi CM health card nasu awaba tarabasingda mateng pibikhi. Mateng kaya di pang-ee. Adubu cheitheng ashi fangkhraba tungda thoklakpada 2020-21 gi Union budget report ta health sector da thadarakliba senfam asi ubada angakpa faoee. Masina 2nd wave thengnaba da awaba oihanbagi achouba maram oigani. Sarkarna 1st wave ki matungda checksin thourang loukhatpa wat-houba asigi maram karigino hangningai oi haina khalli.
Leikai leikai da quarantine center kaya semkhi. Lemna leikai singda corona test sing toubagi thabak paikhatkhi. Cclubs, social workers, politicians, ministers singna chaana thaknaba cheng, hawai, thao-thum, sanitiser nachingba angam agamba khara meeyamda mateng pangkhi.
Lup singna makhoi makhoina angamba cheng-chak, sanitiser, mask, amadi oxygen cylinder sing mateng kaya pangkhi. Meeoi kayanasu Chief Minister gi Haksel gi Tengbang gi relief fund da angamba khara da oirabasu hapnarakkhi. Ching-tam su angam angamba mateng kaya pangnakhi. Doctor, police, nurse, medical attendant singsu meeyamgi khallaga awaba kaya chingnadana thengnakhi. Meeoi kaya gi thawai kankhi.
Amaromdana lockdown asi thugainaba hotnaba meeoi kayasu leikhi. Lockdown asi bandh blocked kumna lounakhi. Makhoina mask upkadouriba asi laichat asidagi ngakthoknabani khanba ngamkhide. Mask uptrabadi police na fagani haibagi, madu kibagi namfuda uppa oina toukhi.Corona thingnaba lockdown touraga police laktringei ayukta, mapunshigi walking chatlamdaba faoba walking chatkhatlakpa yaokhi. Athingba ashigi tanja louduna lallonba kayana pot-chei singgi mamal wangna yonduna sendong henna tanhoubasu yaokhi. SOPs ngaknaba TV amasung radio da paojel kaya chellabasu pot leifam da mee kirik kirik innaba toina thokkhi. Bandh da shuti fangbagumna chakcha heijannaba hen-gatlakpa, juwar sannaraga matam lenba na chingba thouoidaba kaya uba fangkhi. Thouoidaba sing asina maram oiduna 1st wave tagi 2nd wave lakpada paktaknana eeramdamgi mee positive oikhi. Sibagi chang hen-gatkhi.
How does it affect the students in Manipur?
Covid 19 laina sandokpa thingnabani haiduna khudakta lockdown laothokhi. Laichat asidagi ngakthok-houraga loire haiduna ahanba numit 10 ni mukti kalen shuti gumna karisu lusinna khannakhide. Angangsingdi kari amatta thouoidana nungaina sanari. Adubu pareeksha loidriba amasung thagadouriba maheiroi singdi meepaiba pokkhi. Laina manung da pareeksha karamna thagani? Kari thoklagadabano? Lockdown gi mingda lairik taktrabasu pareeksha di touge hairakkani. Chahi manghanba yadabanina karam touba? Matungda April yousillakpada online class haina anouba thouong ama sinba hourakkhi. Smartphone paiba ngamdaba maheiroi singdadi potlum oikhi. Angang-gi online class ti KG kabasingdagi houkhi. Aduga ayamba photo oina tharakli. Lairik laishu heitaba mama mapa singdi tallak asida tuition amuk thanari. Ahan singgi touriba online class singdusu ningthina toubidaba kayasu leikhi. Maheiroi kharasu online class ki namada phone sanadunata leiba su yaoribani.
Amabu oire amabu oire class kabak sabak toukhi. Online da exam toubada sillaga eenabasu konggaini. Assignment piraga promotion piba asina maheiroi singgi tunggi punshi di kari oigadouri? Wahang kaya thorakkhi.
Laina ashibu mayoknagadara? Eemung manunggi awababu mayoknagadara? Ningthina thouoibidraba sarkar gi thouong asina kamdouba? School college na lumna loubidraba eeramdamgi maheiroi singgi maraibak aruba tangkak oikhi. Chahi mangdanaba hotnabiriba meeramgi mahei tamfamsingni. Kalen shuti thadokliba eeramgi mahei tamfam singni. Khennaba asi mashini.
Meeramda meeng chanduna mahei tamliba sing kousillakpa matamda hobey hobey touduna changluraga laina amuk kansillakpa na amuk thoklakpa gi awaba mayoknakhi. Eemung manung naraga wana khaanglingeida online class touba sinasu khudong chadaba kayasu pibikhi.
Marakshida angang apik apikpa kayadi mobile game, TV yengdounata leinakhi. Private tuition su laina asina thingjinkhi. Tambinaba leitaba, mama mapa na takpa ngamdaba singdi awaba ama oikhi.
Laina asina maram oiraga maheiroi singgi tunggi punshida chaona sok-hanlagani haibadi ooba fangkhi. Sok-halibasi karamna kharadang oirabasu taisinbinaba sinba tangai fadaba leiree .
What needs to be done by and for the students
Maheiroi singgi damak toubiriba online class sing ashi ningthina fajana toubiba mathou tai. Exam gi damak hotnabibadagi hendokna hotnabiba mathou tai. Mahei kharadang oirasu heiha hen-gatnaba hotnabiba chang-ee. Makhoibu sennabibasu mathou tai. Class yaodaba maheiroi yaoragadi call na chingba toubiraga kari gi yaodribano khangdokpiba tai. Mathak thongba singnasu angangsing karam na touri toina yengsinbiba chang-ee. Ojha sing gi khudong chadaba su yengsinbiba chang-ee. Madu di nattana, lairik ningthina takli takte haibadi sukyeng yengsindana, exam touni tamak haibiba ashidi natei chade. Kari kari khudong chadaba leiribage haibadi usinbidana maheiroidi lairik pabana mathouni lairik pafam thok-ee exam touni haina sinli langbasi natei chade. Leitaba eemung gi maheiroigidi ubidre khanbidre. Aduna maheiroi khudingmakki su oiba chahi su manghandaba maming khakkisu nattaba chanaba thouram amadi thabk oina paikhatpa tangai fade haina khanjei.
Laina laichat maraksida eemung gi awabada mateng pangfam thok-ee. Mateng panggadabani. Hakchang su panggal kanna thamgadabani. Adubu eikhoi maheiroini. Nongmagi yamdrabasu punghai amata oirabasu kanagadaba lairik pabiba kanagani khalli.
Aduga organisation kayana sinbiriba online quiz competition, essay competition, debate na chingba sing asisu yaosinbada loushing gyan oigani khanjei. Leingak na school college sing na thouoibidre haiduna eikhoi eesana eesabu manghannaba hotnaroidabani. Kanadabada game sanaduna, TV yengduna, serial drama yengduna numit chuppa matam manghalloidabani. Sanabiyu yengbiyu kaide, adubu, nongmagi kanaba khara khara di touramsi. Heiramdaba thabk tamsinbiyu. Eikhoigi tunggi punshida kannarakkadaba thabksing khara khara ta oirabasu pangthoktuna eesagi lambi eesana semjaba mathou tai. Corona gi awaba marak ashida kanaba kharata oirabasu louhouba yabara yenghousi. Leingak maheiloisang singna ubidabadu taksinshi angamba da. Makhoina ubidre haiduna khonggrai niktuna leithok kumsi. Eikhoi gi mangkhiba matam kananasu menkhatpiroi. Fngliba matam asi kanaba lambida sijinanaba hotnahousi.
Conclusion
Covid 19 gi laina laichatna piriba awaba sing ashi meeyam pumba mayoknari bani. Punna thengnaminari. Leingakloi singsu laichat ashi fivam kansilakpa ngaibiganu. Ngllingeida paikhatpa yaba makhei athubada hotnabiyu. Meena hairakpa ngaibiganu. Ahoba singdu mensinbiyu. Aduga meeyam praja singsu wakhal tabiro. Thengnariba la nashi Covid 19 ni. Lan ashi police ki mayokta thengnagadaba natte. Aduna eesagidamak checksinbiyu. Police kiba khakki SOP ngakpa haibadudi eemon sengdaba leibak macha tadaba oina thokkani. Laichat asi maithiba pinabagidamak SOP ngakkadabani haiba wakhal asi khanbiyu. Ngashi cheksinhoubana eesa eesa hinghougadouribani. Matam chana corona test touthokpiyu. Vaccine ningthina kapthokpiyu. SOPs ngaktuna hakchang fana tinjang kaijangdana leinaba hotnabiyu. Corona nataba atopa lainasinggi su paikhatpa yaba thabak athubada paikhatpiyu. Corona mayoknaringei atoppa laina naba sing loina sikhibagi fibam laktanaba hotnasi. Aruba tangkak oirabasu mapi mapa oiba singna maheiroi eikhoigisu thabak thouram khara sinbiyu. Eikhoina chahi mangbada leipakki chaokhat khongthangda thengthaba yaoribani haibasi kaobiganu. Maru oina eikhoi pumba gi thoudang chap manana laina ashi maithiba piba chang-ee. Masi leingak khaktada eenthoktuna thamba yaroi. Police doctor khaktana maithiba piba ngammoi. Corona thengnanaba checksinba haiba asina amata ngairaba pambei oiri.
(Glady Kshetrimayum, daughter of Ksh Tiken Singh and Ksh Henthoibi Leima, of Kongba Laishram Leikai, is a student of B.A. 1st Semester, DM College of Arts, This essay won the second prize in the competition organised by the Campaign for Peace & Democracy (Manipur) with the support of KanglaOnline, Yaol Publishing (London), journal Beyond the Horizon, and Gateway Trading Academy Imphal.)